பொய் கூறுவதனால் வந்த விளைவு ஒரு குட்டி Story
புலி வருது! புலி வருது! – பொய்யின் விளைவு சொல்லும் கதை:
கதைச் சுருக்கம்
ஒரு கிராமத்தில் முத்து என்ற விவசாயி தனது மகன் ராமுவுடன் வாழ்ந்து வந்தான். முத்து தினமும் ஆடுகளை காட்டிற்கு அழைத்துச் சென்று மேய்ப்பது வழக்கம். ஒருநாள் பக்கத்து ஊருக்குச் செல்ல வேண்டியதால், ஆடுகளை மேய்க்கும் பொறுப்பை ராமுவிடம் ஒப்படைத்தான்.
காட்டில் ஆடுகளை மேயவிட்ட ராமுவிற்கு சலிப்பு ஏற்பட்டது. அங்கு வயலில் வேலை செய்துகொண்டிருந்தவர்களை ஏமாற்றுவதற்காக, “புலி வருது! புலி வருது!” என்று பொய்யாகக் கூச்சலிட்டான். மக்கள் உதவிக்கு ஓடி வந்தபோது, தான் பொய் சொன்னதாகக் கூறி அவர்களை ஏமாற்றி மகிழ்ந்தான். இதையே அடுத்த நாளும் செய்தான்.
மூன்றாவது நாள் உண்மையிலேயே ஒரு புலி வந்தது. பயந்த ராமு, “புலி வருது!” என்று உதவிக்காகக் கூச்சலிட்டான். ஆனால் முன்பு அவன் பொய் சொல்லி ஏமாற்றியிருந்ததால், மக்கள் அவனை நம்பவில்லை. இதனால் புலி ஒரு ஆட்டை தூக்கிச் சென்றது.
தான் செய்த பொய்களின் விளைவையும், இழந்த நம்பிக்கையையும் உணர்ந்த ராமு மிகவும் வருந்தினான்.
நீதி:
தொடர்ந்து பொய் சொல்பவரை, அவர் உண்மையைச் சொல்லும் நேரத்திலும் யாரும் நம்ப மாட்டார்கள். எனவே எப்போதும் உண்மையே பேச வேண்டும்.
Comments
Post a Comment